PALABRA DE CARAMELO DE ANXO MOURE

Agora toca a lectura de PALABRAS DE CARAMELO de Anxo Moure.
 Kori é un neno xordo, vive nun campo de refuxiados saharauis, gústanlle os camelos e ir á escola para aprender a ler e a escribir.
O día ca súa mestra entende que pode ensinarlle a escribir, algo moi especial acontece na súa vida; é capaz de plasmar no papel as súas emocións, especialmente aquelas que xorden da súa relación co seu amigo Caramelo, un pequeno camelo color canela.

CLUB DE LECTURA BIBLIOPONTE 2018/2019

MORTIÑA. UNHA HISTORIA PARA ESMENDRELLARSE DE RISA

Comenzamos o club de lectura co libro "Mortiña. Unha historia para esmendrellarse de risa" escrita e ilustrada por Bárbara Cantini, traducida ao galego por Rosa Marta Gómez Pato e Manuel González González e editado por Hércules Ediciones
Mortiña é unha nena, pero non é como as demais, é unha nena zombi. Vive en Vila Decadente coa súa tía Defuntiña e o seu inseparable Tristeiro, un can que non se sabe se está vivo ou morto. A Mortiña encantaríalle ter amigos da súa idade cos que xogar e divertirse, pero a súa tía prohibiulle deixarse ver: podería asustar á xente. Un día preséntaselle unha oportunidade única, a festa do Samaín! Mortiña nin sequera ten que disfrazarse...pero que pasará cando os demais nenos e nenas descubran que non leva máscara.

SAMUEL RECOMENDA: "A SEÑORITA BUBBLE" DE LEDICIA COSTAS

POESÍA E MÚSICA POLO DÍA DAS LETRAS GALEGAS

Poesía de María Victoria Moreno, Música de Fuxan os Ventos e a montaxe foi realizada polo alumnado do CPI Plurilingüe de Navia de Suarna e a súa profe, Rosalía.

DÍA DO LIBRO

Día do libro 2018

A FESTA NO FAIADO

Ana del Río Candia recomenda o libro A FESTA NO FAIADO  de María Victoria Moreno Fuentes, autora homenaxeada este ano 2018 polo día das letras galegas.
A festa no faiado conta a historia de Uxía  e de Gato. Grazas a Gato, a vida de Uxía é máis divertida. Grazas a Uxía, Gato empeza a entender mellor o mundo.

RECOMENDACIÓN LECTORA: A PRAIA DA ESPERANZA

Emilio del Río Candia aconsella aos seus compañeiros e compañeiras a lectura da obra de Agustín Fernández Paz "A PRAIA DA ESPERANZA" que é unha narración escrita durante os meses en que Galicia viviu a catástrofe do Prestige

DÍA DO LIBRO 2018

LER LÉVATE AO MÁIS ALTO é o lema da campaña de animación á lectura deste curso 2018 pola celebración do DÍA DO LIBRO

A SEÑORITA BUBBLE DE LEDICIA COSTAS

A próxima lectura do Club de Lectura é a obra de Ledicia Costas titulada A SEÑORITA BUBBLE.
Este libro publicado por Xerais é un relato que mestura humor e aventura e onde os humanos e as máquinas pasean da man. A protagonista é unha muller independente que reivindica o papel das mulleres na ciencia.

"GOMA DE BORRAR" POEMA DE POEMAR O MAR DE ANTONIO GARCÍA TEIJEIRO

Samuel Neira Martínez recita o bonito poema "Goma de borrar" do libro Poemar o mar de Antonio García Teijeiro

POEMAR O MAR

O seguinte libro para ler no club de lectura é POEMAR O MAR de Antonio García Teijeiro, premio Nacional de Literatura Infantil e Xuvenil 2017. Un bonito libro de poesía onde o mar é o gran protagonista, un mar que ronca, que molla con poemas, que ten trenzas, que anda murcho, que chora por dentro e cala por fóra, mares con ondas amarelas, con illas coma estrelas, mares de plumas que son de auga e mel, mares de tinta verde con barquiños de papel.


 

PIPI MEDIASLONGAS

Acaba de chegar á nosa biblioteca o libro de Astrid Lindgren, PIPPI MEDIASLONGAS, traducido ao galego por David A. Álvarez e publicado pola editorial Kalandraka.
O libro conta as extravagantes aventuras da súa protagonista Pippi Mediaslongas, o seu mono o señor Nilsson e o seu cabalo. Diversión, tenrura, humor, optimismo e ledicia son os ingredientes deste libro que é un clásico universal e imprescindible. Un personaxe literario que inspirou unha serie na televisión e varias peléculas.
É a próxima lectura dos compoñentes do club de lectura de 5º de primaria. O éxito está garantizado.

RECOMENDACIÓN LECTORA

Recomendación lectora de Samuel Neira Pérez: ¡Qué aventura Super Claus!
S