O merlo branco é unha obra de Cándido Pazó, cuxa trama central xira en torno á tolerancia e o respecto das diferenzas. Un merlo nace branco, é diferente, e ten problemas. Ninguén o quere. Entón emprende unha viaxe chea de divertidas aventuras para sentirse aceptado. Quere ser gaivota, cotorra, flamingo, pomba ou calquera outro paxaro que teña por norma ser branco; ata que todos se decatan e o aceptan tal e como é.
