O CLUB DE LECTURA COMEZA UN NOVO CURSO

O noso primeiro libro será "O misterio de Portomarín", da autora Antía Yáñez. Trátase dunha novela cuxa historia ten lugar na vila de Portomarín, que se atopa na ribeira do río Miño, igual ca o noso cole. Con este título, a emoción e a intriga están aseguradas! 

 

 

 AS LARANXAS MÁIS LARANXAS DE TÓDALAS LARANXAS

Con moito entusiasmo comezamos a ler a obra de Casares e repartimos os diferentes papeis.

Nesta ocasión participan alumnos e alumnas de 5º e 6º de Primaria. Todos e todas estamos encantados co “noso papel”. Ímolo facer xenial.

Unha vez feita a repartición comezamos mans á obra, decorando con moito entusiasmo o fondo para a representación da nosa obra.

Que opinades? Seguro que queda moi ben.

 COMEZAMOS NOVA LECTURA

No club de lectura “Historias da Ponte Vella” estamos moi ledos. Comezamos coa lectura dun novo libro e tiñamos moitas ganas de probar este xénero literario: o teatro.

Eleximos o libro de Carlos Casares “As laranxas máis laranxas de tódalas laranxas”. Estamos segurísim@s de que nos vai a encantar.

Acompañádemos para saber máis.

  

 LECTURA E APRENDIZAXE

Nesta nova xuntanza do Club de Lectura fixemos unha actividade diferente e que nos gostou un montón.

Despois de conversar sobre o libro “Wolfram” fixemos un xogo ambientado na II Guerra Mundial, onde por equipos tiñamos que completar a información nunha plantilla. 

Puxemos os resultados en común, debatemos entre nós e chegamos a unha clara conclusión: que importante é coñecer o pasado para mellorar o futuro.

Con pequenos xestos podemos crear unha bonita historia.

 

 WOLFRAM

Xa estamos inmersos nunha nova experiencia lectora.

Desta vez estamos a ler un libro en galego de banda deseñada ambientado nos comezos da II Guerra Mundial. Ademais de compartir lectura tamén estamos a aprender milleiros de cousas sobre historia. 

  COMEZAMOS NOVA AVENTURA!

Damos a benvinda a un novo curso e con él a unha nova andaina no Club de Lectura “Historias da Ponte Vella”. Comezamos este trimestre reuníndonos na biblioteca do cole para compartir novos momentos e experiencias de lectura, mestres/as e alumnos/as de 6º de Educación Primaria.

Este trimestre, leremos o libro “WOLFRAM”, de Alberto Varela Ferreiro.

Acompañádenos para saber máis!

“Historias da Ponte Vella” chega ao seu fin

O curso remata e xunto a el tamén o fai o noso club de lectura “Historias da ponte vella”.

Nesta xornada de encontros literarios e lecturas compartidas fixemos un resumo do libro “A gruta da torre” a través dun xogo que a todos e todas nos gusta moito: un Kahoot!

Os nenos/as e mestras disfrutamos moito desta última xuntanza do club de lectura.

E para rematar fixemos unha avaliación de como funcionou o noso club de lectura: que foi o que máis e o que menos nos gustou, que actividades destacamos, que actividades nos gustaría ter feito e non fixemos, que temática nos gustaría ler en futuros clubs de lectura, etc.

Nenos e nenas! Moitísimas grazas pola vosa implicación e o bo facer.

Vémonos pronto!

XV Xornada de Clubs de Lectura

Hoxe, 5 de xuño, tivemos o pracer de acudir á XV Xornada de Clubs de lectura. Foi un día intenso e cheo de experiencias. Escoitamos a autores como Manuel Núñez Singala, Felipe Munita, Carlos Martínez Uzal, Julio Abalde García e Olga Novo Presa.

Ademais destas charlas maxistrais, tivemos a oportunidade de compartir experiencias realizadas noutros centros galegos arredor dos clubs de lectura.

Levamos a mochila cargadiña de ideas e actividades para seguir traballando nas “Historias da ponte vella”.

Lois Pérez visita o noso Club de Lectura “Historias da ponte vella”

Por fin chegou o día! Lois Pérez, autor do libro “A gruta da torre”  visitou o noso centro para compartir un ratito cos membros do club de lectura.

Estivemos encantados e encantadas de poder falar con Lois sobre o seu libro. Aproveitamos a ocasión para facerlle unha extensa entrevista coas preguntas que os nenos e nenas elaboraron na anterior xuntanza.

A todos/as nos entraron unhas inmensas ganas de ser escritores/as. Foi un auténtico pracer conversar con Lois.

Proximamente publicaremos a entrevista.

Grazas , Lois.

 Preparamos a nosa entrevista con Lois Pérez

NOTICIÓN! Pronto Lois Pérez, o autor do libro “A gruta da torre” visitará o Club de lectura “Historias da Ponte Vella”.

Estamos ansiosos por poder conversar con Lois e para que a entrevista sexa todo un éxito elaboramos unha batería de preguntas sobre as que nos gustaría ter resposta. Pronto nos puxemos a traballar e deixar voar a nosa imaxinación. Cada neno e nena pensou que lle gustaría preguntarlle a Lois e, sabedles que? sairon preguntas fascinantes. Estos nenos/as son uns artistas.

Que ganas temos de poder ver a Lois.