RELATOS DE FANTASMAS de Steven Zorn
Os oito relatos que compoñen este volumen foron escritos polos máis famosos autores de contos de fantasmas: Washington Irving, Artur Conan Doyle, M.R. James, Ambrose Bierce, Edith Nesbit e outros. O alumnado do club de lectura de 6º de primaria disfrutou ao entrar no mundo misterioso e fantástico deste libro aterrador, pois en cada un deles espera unha sorpresa.
PALABRAS DE CARAMELO
O alumnado de 5º de primaria, deu lectura ao libro PALABRAS DE CARAMELO de Gonzalo Moure, libro que a todos por igual lles estusiasmou, aínda que o consideraron moi triste pola incomprensión dos adultos polo diferente, polas condicións de vida desfavorables do pobo saharaui. e sobre todo polo final de Caramelo.
Kori é un neno xordo que vive nun campo de refuxiados saharauis, ten oito anos e só recoñece as palabras nos movementos da boca, por iso é capaz de saber o que lle di ao seu mellor amigo, un pequeno camelo ao que trata de salvar camiño dese deserto co que sempre soñou. Quizais a súa aventura nunca remate, sobre todo pola mensaxe tan especial de Caramelo
EL UNIVERSO PARA ULISES
EL UNIVERSO PARA ULISES de Juan Carlos Ortega, publidado pola editorial Planeta é unha recomendación lectora feita por Carlos Puebla González de 6º de Primaria. O libro é un percorrido fascinante de un pai e un fillo polos segredos que esconde o firmamento partindo dunha particular historia do cosmos, o libro desgrana o pensamenro de todos aqueles científicos que aportaron a seu grao de area para que hoxe comprendamos mellor os principios polos que se rixe o universo. Está explicado cunha linguaxe moi sinxela pero á vez precisa e rigurosa.
FELICITACIÓN DO CLUB DE LECTURA POLO NADAL
Os nenos e nenas do club de lectura de 6º de Primaria do CEIP"A Ponte" de Lugo desexan a toda a comunidade educativa un BO NADAL e moi BOAS LECTURAS!
ESCARLATINA, A COCIÑEIRA DEFUNTA
Empezamos o Club de Lectura do curso 2016-2017, coincidindo coa celebración do Samaín, coa lectura dun libro que pola súa temática encaixa moi ben nestas datas: ESCARLATINA, A COCIÑEIRA DEFUNTA escrito por Ledicia costas e ilustrado por Victor Rivas, publicado por Edicións Xerais e que ademais levou varios premios, o Premio Merlín de literatura Infantil no 2014 e o Premio Nacional de Literatura no 2015
ROSALÍA DE CASTRO
Seguimos con poesía, despois de ler os poemas de Manuel María, tócanos agora ler os poemas de Rosalía de Castro." Escolma poética de Rosalía de Castro" da editorial Kalandraka, onde temos para ler 13 poemas que tratan sobre o amor, o desamor, a morriña, a beleza da paisaxe, a vida, as inxustizas sociais a saudade...
Suscribirse a:
Entradas (Atom)
